Сын Якуба Коласа  Міхась Міцкевіч, кіраўнік нацыянальнага культурнага аб’яднання “Беларусь” у Белгарадзе-Днястроўскім Лілія Цвяткова, прапрапраўнук Тараса Шаўчэнкі Тарас Лысенка.

...Пэўна, невыпадкова ў кожнага народа на гістарычным шляху з'яўляюцца асобы не толькі незвычайнага таленту, але і вялікага грамадзянскага пачуцця, якія становяцца духоўнымі правадырамі нацыі.

Такой асобай для ўкраінцаў быў і застаецца Тарас Шаўчэнка. Такімі людзьмі для Беларусі сталі Якуб Колас і Янка Купала, а для Украіны — іх сучаснікі Максім Рыльскі і Паўло Тычына. У тым ліку і пра гэта гаварылі ўдзельнікі сумеснай беларуска-ўкраінскай вечарыны ў гонар 125-годдзя з дня нараджэння Якуба Коласа "Нашчадкі славутых людзей". Прайшла яна 19 красавю ў Дзяржаўным літаратурна-мемарыяльным музеі Якуба Коласа пры падтрымцы адміністрацыі Першамайскага раёна сталіцы і Стаўбцоўскага райвыканкама.

У гэты дзеньу Коласаўскім музеі быў аншлаг. Паўнюткай бьла не толькі зала, дзе звычайна праводзяцца такія мерапрыемствы, але і суседні пакой. На сустрэчу ў Музей Якуба Коласа з Украіны прыехалі ўнук Максіма Рыльскага Максім, пляменніца Паўла Тычыны, яна ж — дырэктар Кіеўскага літаратурна-мемарыяльнага музея Тычыны, Таццяна Сасноўская, прапрапраўнук Тараса Шаўчэнкі Та-рас Лысенка. У зале прысутнічалі сын Якуба Коласа Міхась Міцкевіч, унукі слыннага Песняра.

Сярод тых, хто ўзяў удзел у вечарыне ў Музеі Коласа (вяла яе дырэктар музея 3інаіда Камароўская), былі Надзвычайны і Паўнамоцны Пасол Украіны ў Рэспубліцы Беларусь Ігар Ліхавы, які, дарэчы, пэўны час працаваў у музеі Тараса Шаўчэнкі ў Каневе, народная артыстка Украіны Раіса Недашкоўская, дырэктар Кіеўскага літаратурна-мемарыяльнага музея Максіма Рыльскага Вікторыя Калеснік, даследчыкі, перакладчыкі, аматары творчасці слынных літаратараў, мастацкія калектывы Стаўбцоўскага раёна і Цэнтра ўкраінскай культуры “Січ” у Мінску.

Узгадвалі ў гэты дзень і аб тым, што Якуб Колас вельмі любіў творчасць Тараса Шаўчэнкі, вучыўся ў яго, а потым, калі сам стаў усенародным баянам-песняром, разам з Янкам Купалам пераклаў на беларускую мову шаўчэнкаўскага “Кабзара”. Перакладаў Колас і творы Паўла Тычыны і Максіма Рыльскага, з якімі яго звязвалі асабістыя, вельмі прыязныя, адносіны. На вечарыне гучалі шчырыя, цёплыя прывітанні, зычанні росквіту Беларусі і Украіне, шмат прыгожых вершаў, беларускія і ўкраінскія песні.

Упершыню музей арганізаваў сустрэчу нашчадкаў знакамітых людзей, чыімі намаганнямі зберагаецца творчая спадчына класікаў. Адна з мэт сустрэчы — актуалізацыя пытання дыялога паміж спадчыннікамі пісьменнікаў і дзяржаўнымі музеямі аб зберажэнні асабістых архіваў і мемарыяльных рэчаў знакамітых людзей.

У дзень правядзення вечарыны ў Дзяржаўным літаратурна-мемарыяльным музеі Якуба Коласа адкрыпася выстаўка рарытэтных матэрыялаў “Дружба праз гады” з фондаў нашага музея і музеяў Паўла Тычыны і Максіма Рыльскага ў Кіеве. Назаўтра госці з Украіны выправіліся ў падарожжа па коласаўскіх мясцінах.

Наталля РУСАК.

(“Культура”, 21.04.2007 г.)

Фота аўтара.